a teraz będzie perełka
Przywilej lokacyjny Dobrego Miasta 1330In nomine domini Amen Nouerint vniuersi presentem paginam inspecturi Quod nos Henricus dei et Apostolice sedis Prouidencia Warmiensis Ecclesie Episcopus qui iuxta pastoralis sollicitudinis exigenciam prouide pensare teneinur merita subditorum Et eciam vtilitatibus Ecelesie nostre studio prospicere diligenti Cupientes semper illos vberioris remuneracionis attollere premio quos scimus et nouimus poeioribus meritis adiuuari.
Swadente igitur vtilitate Ecclesie nostre prout pridem per Venerabiles Patres dominos Episcopos Ebirhardum et Jordanum felicis recordacionis quondam predecessores nostros qui quidem dominus Jordanus tunc Prepositus iam dicti venerabilis Patris domini Ebirhardi tempore sue infirmitatis procuracionis et prouisionis in Terra nostra Episcopali in temporalibus gessit officium Per quorum dominorum predictorum prouidenciam Accedente ad hoc voluntate et consensu Capituli nostri Warmiensis In bonis Ecclesie nostre locacio et fundacio Ciuitatis nostre Guthinstat concepta fuerat bone fame ac fideli nostro Wilhelmo Sculteto de Wormedythin suisque veris heredibus et successoribus Cum vsque ad nos scripti patrocinio confirmacionis super locacione dicte Ciuitatis careret Eidem tamquam bene nmerito sicut prius finaliter diffinitum et conceptum extitit Jus locacionis ipsius Ciuitatis nostre Guthinstat Jure Culmensi perpetuo et hereditarie duximus concedendum Assignantes eidem Ciuitati et Incolis ipsius Septuaginta Mansos de quibus predictus Wilhelmus scultetus et sui posteri decimum mansum Tytulo locacionis perpetue liberum possidebunt Et Ecclesie parochiali ibidem ac Plebano qui pro tempore fuerit quatuor mansos ab omni iugo cuiusuis seruitutis liberos concedimus et donamus Ita tamen quod Incole ac Ciues predicte Ciuitatis nostre quibus Anni plures ante tempus solucionis integre Census decurrerunt taliter quod in quibusdam omnimodam a solucione Census libertatem habuerunt In quibusdam autem annis tantum dimidium Censum persoluerunt Quibus vero iam omnino expletis iidem Ciues de quolibet manso Mansis sculteti et Plebani liberis dumtaxat exceptis singulis Annis in festo sancti martini Episcopi dimidiam Marcam usualis monete nobis et nostris successoribus in antea sine difficultate soluere teneantur Specialiter eciam ejusdem Ciuitatis nostre Incolis qui mansos habere noscuntur pro Ortis et Horreis vnum mansum liberum assignamus Eciam de speciali fauore quo prefatum Wilhelmum amplectimur ipsi et suis successoribus legittimis damus alios duos mansos liberos qui taliter limitantur Incipiendo extra Ortum nostrum Equorum ab vna comportata Granicia iuxta vnam Alnum super flumine Alna Abinde lineariter ad vnam quercum signatam et ab illa ad vnam comportatam Graniciam iuxta viam qua itur Warchberg pratis eciam exclusis Alnam ascendendo Ita quod ager ex ista parte Graniciarum versus Ciuitatem ad eandem pro Ortis fiendis debeant pertinere Damus eciam eidem Wilhelmo et suis posteris vnum pratum liberum in Mirica circa fluuium Kyrsin de decem Jugeribus qui eciam ipsum pratum nöscitur pertransire Ceterum vt Incole dicte Ciuitatis nostre eo melius valeant et eorum vtilitatibus plus accrescant ipsis in Borra ex illa parte Alne versus solitudinem quadraginta Mansos pro eommuni vtilitate ab omnibus seruiciis liberos nos ac mensam nostram Episcopalem contingentibus concedimus qui istis limitibus distinguntur Incipiendo a Graniciis Campi prolithin flumen Alnam ascendendo usque ad fontes scaturientes qui fluunt in Alnam Abinde ad Granicias Pruthenorum Curnothin Santhop et Akystire in medio Graniciarum predictorum Camporum Agris pro noua locatione vtilibus si qui inuenti fuerint et pratis exceptis erunt termini mansorum iam dictorum Preterea sepedictus Wilhelmus et sui posteri in predicta Ciuitate nostra Iudicatus officium siue sculteciam istis modis et condicionibus possidebunt Quod de excessibus seu forefactis Incolarum supradicte Ciuitatis nostre ac eciam aliorum puta forensium et Aduenarum siue Tewthunici aut Prutheni existant Ita tamen quod si tales offensores Aduene Prutheni in excessibus aut fuga eorum per scultetum Ciuitatis occupati seu detenti fuerint de hujusmodi excessibus quales fuerint nobis et Ecclesie nostre duas partes mulctarum iudicialium ipsi vero Wilhelmo et suis posteris terciam partem volumus deriuari Si vero aduene Thewtunici post commissos excessus auffugerint de horum emendis interueniente concordia tercium habebit denarium dictus iudex Sed de excessibus alterutrum commissis Pruthenorum Ecclesie nostre vbicunque maneant Sepedictum Wilhelmum et eius Posteros penitus nichil partis volumus obtinere Si autem iidem Ecclesie nOStre Pruteni cum Thewtunicis aut Thewtunici cum Prutenis nostris committendo excessus dissenserint et per prefatum scultetum occupati fuerint de hiis partem terciam sorcietur si autem aufugerint nullam partis condicionem idem iudex hereditarius obtinebit Penas autem iudicii minutas se ad quatuor solidos et infra extendentes idem Wilhelmus et sui posteri de speciali nostra conniuencia precise suis vsibus vendicabunt Adicimus eciam quod de omni Censu qui succedenti tempore in predicta Ciuitate nostra fieri poterit videlicet de Maccellis Bancis panum Sutorum Institorum maccatorio stuba balnei et alio quocunque nobis et Ecclesie nostre pars vna Wilhelmo et suis successoribus secunda Ciuibus vero dicte Ciuitatis nostre pars tercia deriuetur Statuimus quidem vt incole dicte ciuitatis nostre in signum recognicionis dominii et nobis et nostris successoribus in quolibet festo sancti martini de qualibet Area integra sex denarios usuales persoluant Insuper admittimus vt prehabitus Wilhelmus et sui posteri intra granicias Ciuitatis aues capere et venaciones paruarum ferarum leporis videlicet et vulpis valeant exercere De speciali eciam gracia indulgemus quod scultetus cum suis poste ris necnon incole Ciuitatis in flumine Alna pro mensis suis tantum piscari valeant cum paruis instrumentis Demum nobis et Ecclesie nostre Molendina et ipsorum loca atque omnia lucra terre minere videlicet aut quouis alio nomine censeantur preter agricultuaS et alios communes vsus intra Ciuitatis limites integre reseruamus Et vt predicta omnia et singula perpetue firmitatis robur obtineant ipsa auctoritate nostra ordinaria presentibus confirmamus quibus in signum euidens nostrum et Capituli nostri sigilla sunt appensa Presentibus illo tempore Conspicuis et Religiosis viris fratribus friderico de libencelle Johamme de Rynkenburg socio suo Conrado Wondephaffin Nycolao et Allexandro filiis Allexandri militis feodalibus nostris Johanne Dobrin Conrado de Welin Ciue nostro de Wormedythin Et Johanne Notario nostro Et aliis multis Et datum in Castro domine nostre apud Ecclesiam nostram Kathedralem in die sancti Stephani prothomartiris Anno domini M CCC Tricesimo
Oryginał w XIX wieku był złożony w Ratuszu Dobro Miejskim.
Źródło: Codex Diplomaticus Prussicus. Johannes Voigt , Królewiec 1842 rok
przez Beatricze » 13 mar 2016, o 11:11 
